Se rendre au contenu

Servolan épi ladjables Boudja-Boudja

Kont


Servolan épi an pal Misié Van ka floté, floté, floté adan siel-la, lajounen kon lannuit. Sa pa pies an gou  ladjables Boudja-Boudja ki ka goumen kon i pé pou baré Servolan volé lannuit.

Tan 3:30 min


Metpies : Matjè Serge RESTOG ·
Désinatè Olivier MAISON · Lavwa Kréyospot
Dat lekti : désanm 2024  
Dènié fréchè : désanm 2024


 Ou lé konnet bout listwè-a?    alé gadé pou trapé liv-la

  

SERVOLAN  ÉPI LADJABLES BOUDJA-BOUDJA

An bel, bel, bel servolan té ka volé, volé, volé, té ka floté, floté, floté adan van-an. Épi latjé’y long, long, long i té ka fè fantézi, fantézi, fantézi, adan siel-la.


Yé krik !

Yé krak !


I té ka monté, monté, désann, désann, dansé, dansé silon van-an.
I té ka santi koy telman bien anlè-a, i té désidé rété la, lannuit osi, akondision Misié Van kontinié souflé. Misié Van té aksepté fè Servolan plézi.

Misié Van, dapré sa i té pronmet, kontinié ka souflé toupannan nwè té ja ka fet. Men, an ladjables otila yo té ka kriyé’y Boudja-Boudja té tou chagren di wè ki oswè-tala vanan té ka kontinié souflé. Sa té ka jennen zafè’y anchay.

Sa vré, sé ladjables-la ka volé délè lannuit é yo pa enmen lè van-an ka jennen yo. Boudja-Boudja lévé zié’y pou lonviyé siel-la épi pou chaché konprann sa ki ka pasé. I apersivwè an servolan ki té ka pran dousin adan siel-la. Ladjables-la annou vini anrajé,kriyé épi tout fon goj-li :

« Sa ou ka fè pann anlè-a ?

Ki moun ki ba’w dwa ? »


Servolan, li menm pa té ka djè pété tet-li asou jes, épi kri ladjables.
Lè tala wè sa i té ka fè a, pa té ka sèvi ayen, i alé pété dézod épi Misié Van.

« Ou sé an molpi, Misié Van ! Ou ka kité an ti

konparézon kouyonnen’w. »

« Ou ké wè ! Apré tousa ou ka fè a, sa pé ké

rapòté’w ayen toubannman. I pé ké ni pa menm

an mèsi, pa menm an ti rikonésans. »


Misié Van réponn an manniè sek :

« Kouté sa ladjables, mwen ka souflé lè mwen lé.

Épi tiré kò’w lwen isi-a menm avan mwen faché kòmwen. Ou sav bien ki manniè kòlè mwen fò ! »


Pannan tan-an, Servolan té ka pran dousin anlè-a.

I té ka ped zié’y adan zétwal épi zétwal ki té ka klenndé adan gran siel-la ki té ka paret ankò pli gran.

I té ka wè koy pli pré yo. I té menm lé menyen yo.

Ladjables Boudja-Boudja té tiré dé kou anlè Servolan ki pa té pòté pies, i pati alé wè sé solsouri-a.


Sa té an zin listwè anlè kréyospot, pou konnet lerestan ou pé kabéché oben trapé liv-la. 

 Liannaj pou alé gadé liv-la. 

Sonjé di nou ki lidé'w adan lespas pawol.
Ou pé ba nou an pal tou pou nou fè plis .

Pitjé tjè'y pou alé gadé.

Se connecter pour laisser un commentaire.
Ti granMoun TV
Ziétaj émision